於上星期舉辦嘅慈善活動已順利完成。活動當日氣氛好熱鬧,我哋安排咗遊戲、唱歌、跳舞表演、健體操,公公婆婆都好活躍,好投入參與整個活動,玩得好開心!兩位義工髮型師亦攜手合作,幫30位公公婆婆免費義剪,以清新髮型迎接新一年。 我哋希望藉此活動為老友記送上溫暖祝福,傳遞喜樂愛心! 衷心多謝有米媽媽同樂會嘅支持,嘉輝物流國際有限公司嘅食物贊助,同埋咁多位義工嘅幫忙,令是次活動得以成功。